再見朋友號

香港人在美國 再見朋友號。
香港人在美國 再見朋友號。

當日小朋友出世,急住買架車接送,又唔知份工長唔長遠,就買咗架11年車齡,101k miles的車. 4年,開始壞野,決定俾佢退休。

買車真係好煩,加呢樣個樣,又rebate, financing, trade in攪到你亂。

格咗價大半個月,搵多自己價位的車,就開始問咗五六間車行。叫做有個底鎖定兩三間去試,去問。
有一間開星期日,去到係俾架loan service的用咗5千里,有糖係地下,有客留低bb玩具,車窗貼咗佢公司大貼紙的車我試,話可以做平俾我。點知開個天價(貴我手上其他同model 的offer 3千幾,仲要佢架野係2018年款)我還,火鬼滾話俾返我架車我,我唔想同你地傾,覺得好不被尊重。

無計,再俾自己手上的最平 offer同第二啲行bid, 跟唔到就剔走。最後去最平個間還幾百蚊價。點知佢居然一口話congrats! 攪到唔知個價係咪太高。

上網查invoice price 可以睇車行同生產商的買入價 ( 同事教路)。咁invoice price加二,三百就係俾 dealer食的錢。如果咁講,我又平過網上查到的invoice price. 其實係咪網站放流料呃人買貴車… 點都好,還價人地又拍板,無得返轉頭。

Agent 好好,預早拍晒片,片段有開我個名,即係專登拍,又唔怕你比較,一早出正式價單俾你睇,去決定。試車我問野,佢仲話唔好心急,依家最重要試咗行車性能先。到買完佢仲上車show晒功能俾我睇先完事,堅好!

#BJ 會員勁廢,間車行話跟我有的價單減一千,最後減唔到,話跟人個價做,turndown咗佢。

想去美國移民的朋友,快關注一下我們:

香港人在美國 HK people at Baltimore / Ellicott City

#MillerBrothersChevroletofEllicottCity

 

留言

請留下你的意見
請輸入你的名字