武漢肺炎的傅播地圖
武漢肺炎的傅播地圖

我發現武漢肺炎既新聞中有一個很大既誤區,就是死亡率,其實一個疫症既死亡率係一個只能通過事後硏究(ex post facto study)先至知道既數據,事前只能估計,但估計也應用有個譜,而唔係但求就手,胡亂估。好多新聞都講武漢肺炎比當年SARS的致死率低,事實真的是這樣嗎?


今日(2020年2月10日)凌晨,單是中國既確診人數己經有33,738例,其中811例死亡,所以很多媒體就話武漢肺炎的死亡率只有2.4%,比SARS低。但係呢種計算方法係絕對誤導(我只用「誤導」而唔係用「靠害」係因為我假設媒體工作人員只係統計學常識不足,而唔係故意降低中國人既防疫意識,增加疫情既治理難度)。


其實想知道實際情況,只需要「借古鑑今」,非常簡單,就好似公司年報業績既 YoY comparison 咁。喺2003年既今日(2月10日)截至下午3時既統計,共確診305病例,其中5例死亡,若用死亡除確診來計算死亡率,當年今天既死亡率只有1.64%。


1.64%絕對比2.4%低,所以從統計學既角度睇武漢肺炎只可能比SARS更恐怖或者最少係同樣恐怖,起碼數據講咗個咁既恐怖故事俾我哋聽。當然我假設中國政府既數字係真既,即使造假也是系統性地造。


除咗從量化數據既角度睇,我哋亦可以從質化分析既角度睇,上次SARS中國無封城,而今次中國實質封城既數目,五日前(截至2月5日),已經有34座城市實施「封閉式管理」措施(實質封城),而廣州、深圳、天津等重點城市亦於前兩天開始實行半封城,所以從政府既具體行政措施嚟睇,武漢肺炎應該比上次SARS嚴重。當然我亦假設中國政府既封城唔係因為貪玩,而係有實質需要。


無論從分析中國政府公開既數字,或者從中國政府既具體行動嚟睇,我覺得大家應該比上次更小心,千萬唔好俾媒體既片面資訊誤導。

留言

請留下你的意見
請輸入你的名字