為何香港比其他受武漢肺炎感染地區「硬淨」?
為何香港比其他受武漢肺炎感染地區「硬淨」?

雖然一眾「問責」官員既無能,令香港錯失咗防疫既最佳時機,令部份香港人既身體受到不必要既傷害,而香港既經濟也因此受到連累,亦間接令幾間國內企業未能發行新債還舊債,觸發咗債務違約(大陸叫爆雷),影響埋中國經濟,令中國經濟喺貿易戰同埋武漢肺炎既雙重打擊之下,雪上加霜。


但係點解武漢肺炎疫症對香港既影響,無日本、韓國、伊朗同意大利咁大鑊,原因係乜?

首先,舊年下半年既「反送中」運動,令到舊年國內遊客減少,去到第四季基本上無大陸遊客,間接降低咗武漢肺炎疫症喺香港既傳播。

第二,香港既天氣比日本、韓國、伊朗同意大利都熱,加上香港春天濕度偏高,令到病毒存活時間大為縮短。

第三,經歷過2003年SARS既沉重教訓,香港市民大都知道防疫既重要性,出街帶口罩、勤洗手,提起口罩同洗手,大家一定記得董太既「幪面超人」裝,同埋佢既「千祈千祈千祈,洗手洗手洗手」金句。回想當初,董太既形象對大家既防疫意識,多少都有啲正面影響,令一般市民大眾唔敢輕視病毒。

第四,更重要既係香港有一班盡責既前線醫護人員,佢哋喺口罩、防護衣等醫療資源都嚴重不足既情下,仍然本着專業精神,盡心盡力為市民服務。

第五,香港人既獅子山精神,上至李嘉誠,下至各區議員等,喺過億CSI口罩消失之下,大家八仙過海,各顯神通,努力為香港市民,尤其係低下層撲口罩。

第六,資訊透明,香港人可以第一時間喺網上睇到本地及世界各地疫情既情況,亦可以睇到唔同既資訊,令到香港人可以更好咁分析收到既資訊,知道點樣保護自己,例如我相信唔會有香港人真係覺得「口罩翻蒸法」或者「口罩加持法」係有效既。


香港係福地,每次都能趨吉避凶,

化險為夷。雖然今次情況比較特殊,但係我仍然有信心,相信今次香港都一樣可以安然渡過。

留言

請留下你的意見
請輸入你的名字