朱元璋既成功,係好多創業者值得借鑒既。朱元璋成功開國既原因係嘜?當元朝崩潰既時候,群雄並起,點解最終會係朱元璋成功開國?

朱元璋既成功,係好多創業者值得借鑒既
朱元璋既成功,係好多創業者值得借鑒既


從現代管理角度睇,朱元璋成功既主要原因係:


首先,時勢造英雄:朱元璋細個時屋企好窮,無得讀書,只能夠幫地主放牛,做牧童。後來淮北大旱,發生饑荒,好快佢就父母雙亡,仲死埋大佬,被迫做和尚。可惜好快間和尚寺都摺埋,佢無辦法,只好去做遊僧,即係四方雲遊、無地方落腳既和尚。如果朱元璋屋企有錢;如果佢即使唔係有錢,但係有書讀;如果佢即使無書讀,但係可以繼續做牧童;如果無饑荒;如果佢唔係父母雙亡;如果佢大佬無死;如果佢唔係被迫做和尚;如果佢即使被迫做和尚,但係間和尚寺無摺埋;如果是但一個如果發生咗,佢可以苟且偷生,佢都唔會諗住做皇帝。


第二,先打大公司既工:元末既時候,蒙古人政權腐敗、貪斂殘暴,天下大亂,羣雄起義,反抗元朝統治,其中白蓮教既紅巾軍係最大既勢力,屬於當時既最大企業。朱元璋投靠白蓮教,朱元璋打咗蓮教既工十幾年,勇武善戰,戰功彪炳,得到老闆既賞識。後來,韓林兒喺安徽(朱元璋老家係安徽廣德人)稱帝,號稱恢復趙宋王朝,立國號為「宋」,自稱「小明王」,年號「龍鳳」。喺龍鳳九年(即係1363年),白蓮教遇襲,朱元璋救出教主韓林兒,朱元璋學三國既曹操,嚟一招「迎天子」加「挾天子以令諸侯」,繼續奉韓林兒做皇帝,將佢安置喺滁州。


第三,有好既賣點:當時元朝既蒙古人對漢人唔好,元朝既蒙古人同埋色目人受到好多優待,漢人受到嚴重歧視,元朝既蒙古統治者將人民分為四等(蒙古人、色目人、漢人、南人),呢個就係所謂既「四等人制」。 朱元璋擅加利用呢種唔公平,鼓動咗民族主義。民族主義係一個近代既概念,從某啲角度睇,朱元璋就係一個百分之百既「漢民族主義者」,佢打住「驅除韃虜,恢復中華」既口號,成功吸引咗大量漢人既支持。

留言

請留下你的意見
請輸入你的名字